Kryeministri Edi Rama njoftoi këtë të hënë ndryshime në qeverinë e tij. Kreu i ekzekutivit ka sjellë emra të rinj në krye të disa ministrive.
Ndër ta janë Ervin Mete në krye të Ministrisë së Financave dhe Ekonomisë, Igli Hasani në krye të Ministrisë së Jashtme dhe Albana Koçiu në krye të Ministrisë së Shëndetësisë.
Gazetarja Marsela Karapanço bëri me dije një detaj interesant që dihej në ambientet gazetareske. Sipas saj, Mete dhe Hasani e kanë mësuar detyrën e re nëpërmjet televizorit. Por kjo nuk është hera që diçka e tillë ndodh. Edhe më përpara shumë ministra e kanë marrë vesh emërimin nëpërmjet postimeve të kryeministrit Rama në rrjetet sociale ose si sot nëpërmjet televizorit.
E vetmja nga emrat e rinj që ka qenë e pranishme në takim ka qenë Albana Koçiu, e cila është anëtare e Asamblesë së PS-së.
