Komisioni Parlamentar i Ekonomisë është përfshirë në debate të ashpra mes përfaqësuesve të mazhorancës dhe grupeve të interesit ndërsa temë e diskutimit ishte nisma e qeverisë për rikthimin e lojërave të fatit dhe basteve në Shqipëri, pasi Komisioni i Ligjeve u dha “dritën jeshile” për rikthimin online të tyre.
Ish-kreu i Shoqatës së Basteve, Artan Shyrti, shprehu kundërshtitë e tij ndaj draftit ndërsa tha se ligji ka problematika.
“Me këtë ligj lojtarët e kanë më mirë të vijojnë në paligjshmëri”, tha ai.
Po ashtu, Shyti theksoi se nisma do të dështojë nëse nuk rikthehen kompanitë e basteve që ishin më parë.
Kaq ka mjaftuar që të reagonte ashpër deputeti i PS-së, Erion Braçe është shprehur kritik për rikthimin e lojërave të fatit.
Braçe tha se bashkë me kolegët e tij kanë marrë mesazhe kërcënuese nga zgëqet e burgut.
“Ajo që më bën habi në këtë komision, është se dhe një pjesë e jona dhe një pjesë e atyre që ftohen se dinë se ça ka ndodhur me këtë fenomen.
T’i themi gjërat siç janë. Në 2018 për vite të tëra me radhë këtë aktivitet e ka pasur në dorë krimi.
Mund të mos pëlqej, pasi nuk je i lidhur me krimin, por më vjen habi, por t’i nuk duhet të përfaqësosh krimin në këtë institucion.
Ajo fjalia juaj që ‘po s’u kthyen ato kompani që ishin, do të jetë shumë keq’ është përkthyer si shantazh.
Me përjashtim të një kompanie që rezistoi deri në fund, të tjerët u detyruan që t’i linin pikat e basteve. Ajo kompani refuzoi që të shiste aktivitetin, biznesin. U detyruan përmes dhunës dhe krimit.
Ju mund të vazhdoni të thoni jo; por unë dhe ca njerëz që janë në këtë komision, e dini se ça kemi hequr nga burgu unë dhe kolegët, nga zgëqet e burgut përmes telefonave (kërcënime).
Tani po luhet, por dini gjë se kush e organizon këtë aktivitet që ne t’i marrin dhe t’i nxjerrim nga errësira sot. Nëse jemi në këtë pikë që jemi sot, po jua them unë se policë të korruptuar, gjyqtarë dhe prokurorë, ishin pjesë e lojërave të tilla, nga kazinotë dhe bastet.
U bënë pjesë e atij procesi ilegal, atje poshtë në territor. Por kush po luan tani dhe kush po e bën tani?”, tha Braçe.
